14 қыркүйек сағат 16.00-де Алматы қаласында АҚШ елшілігі журналистер мен блогерлерге арнап келесі аптада басталатын Еуразия кинофестивалінде көрсетуге ұсынылған деректі фильмдердің тұсаукесерін өткізді.
АҚШ-тың Қазақстандағы елшілігінің баспасөз қызметінің мәлімдеуінше Америкалық деректі фильмдердің фестивалі 19-26 қыркүйек аралығында Алматы, Астана, Шымкент қалаларында өтпек.
Еліміздің үш қаласында көрермендер назарына ұсынылғалы отырған алты таңдаулы кино туынды бүгінгі таңда маңызды проблемалар көтерген. Бұл фильмдерді көре отырып Америка қоғамынның ішкі кухнясын мен мәдениетіне деректі фильмдерді түсіруші тәуелсіз режиссерлердің көзімен ене аласыз.
Небары алты фильм барысында АҚШ-тағы азаматтық құқық, соғыс ардагерлеріне медициналық көмек көрсетілу мәселесі, қоршаған ортаны қорғау,балалар құқын қорғау,сөз бостандығы мәселесі кеңінен қамтылған.
«Бұл фестивальді ұйымдастырдағыу мақсатымыз өзге елдерді Америкада өңдіріліп жатқан деректі фильмдер шығару индустриясымен таныстыру. Бұл қазір Америкада қарқынды дамып келе жатқан сала. Біздің Қазақстандық көрермендерге ұсынып жатқан фильмдердің барлығы тәуелсіз кино режиссерлердің туындысы. Оларға ешқандай үлкен фирмалар не болмаса студиялар көмек көрсетпейді. Деректі фильм түсіру бұл режиссерледің хоббиіне айналған.Не үшін бұл алты фильмді ұсынып отыр деген сұраққа келетін болсақ. Алдымен Америкадағы деректі фильмдер ассоциациясы АҚШ-тағы ең жақсы деген 30 фильмді таңдап алып, бізге жіберді. Ал біз осындағы қызметкерлермен ақылдаса отырып үздік алты туындыны таңдап алдық. Соны Қазақстандық көрермендеге алдағы күндері көрсетпекпіз.» дейді АҚШ-тың Қазақстандағы елшілігінің баспасөз, мәдениет және білім бөлімінің кеңесшісі Леонард Хилл.
Кино фестиваль Алматы қаласында 20-22 қыркүйек күндері Silk way sity (Төле би көшесі,Наурызбай батыр қиылысы) гипермаркетінің 2-ші қабатында орналасқан кинотеатрда өтеді.
Байланыс телефоны: 2 677 472.
Билет құны 300 теңге.
Фестиваль барысында:
- «Постердегі қыз» ( реж.Сара Нессон)
- «Камера ұстанған балалар» (реж.Алекс Ротару)
- «Біз әлі осы жерді мекен етеміз» (реж.Анн Мейкаейс)
- «Нигер’66» (реж.Джуди Ирола)
- «Сендіруге талпыныс» (реж. Дж.Клэй Твил)
- «Америкадағы ең қауіпті адам» (реж. Джудит Эрлих, Рит Голдсмит) деректі фильмдері көрсетіледі.
Бұл фильмдердің барлығы ағылшын тілінде орысша субтитрлармен.(Субтитрмен болғаны үшін ойыныздан айнып қалмаңыз, фильмдер өте қызықты, менің ойымша тіпті субтитрсыз-ақ көрген адамғада түсінікті)
Фестивальдің арнайы қонақтары «Камера ұстанған балалар» деректі фильмінің режиссері, түрлі халықаралық кино фестивальдердің жеңімпазы, сценарист Аленс Ротару және жазушы, кино сарапшы, кино саласының ардагері Диан Карсон.
Ал енді Америкалық деректі фильмдер фестивалінде көрсетілетін алты туындыға қысқаша анықтама беріп өтсем.
v «Постердегі қыз». Фильм мектептегі белсенді, өмірі керемет ару Роббин Мюррейдің өмірі жайында. Алайда Американың Иракпен бастаған соғысы Робинның өмірін бір сәтте өзгертті. Небары 16 жасар қыз мектебін бітірген уақытында екі ел арасында жан-жал туындайды. Сонда ол ойланбастан сұрапыл соғыс майданына өз еркімен аттанып кетеді. Ол кезде соғыстан қайта оралғанда өмірінің кері аударылып калған кеседей болатындығын сезбегенде еді…
Кино сан алуан эмоцияға толы. Ирактан үйіне оралған қыздың бұған дейін мығым болып келген әдемі әлемі күйрей бастайды, пост-травматикалық стресс күйзелісінің салдарынан жан азабын шектірген қиындықтармен қалай күрескендігі баяндалады.
Бұл фильм күллі әлемге Ирактағы соғыстың американдықтарға қалай әсер еткендігін көрсету үшін де маңызды. Сонымен қатар фильмде пост-травматикалық стресс күйзелісін қоғамда аса қабылдай бермейтіндігін сөз етеді. Сара Нессонның кино әлеміндегі тырнақалды туындысы пост-травматикалық стресс күйзелісінің әйел өміріне қалайша әсер еткендігін көрсететін тұңғыш фильм.Фильм 2010 жылы Оскар премиясынның үміткері.
v «Камера ұстанған балалар ». Бұл фильм ұлттық премия иегері,білім беру ісінің маманы Брад Коперниктің жетекшілігімен өткен бір апталық «Актерлер аутизм дертіне шалдыққан балаларды қолдайды» мекемесінінң ұйымдастыруымен өткен үйірмесін негізге ала отырып дүниеге келген туынды. Фильм режиссері Алекс Ротару аутизм дертіне ұшыраған 11 мен 19 жас аралығындағы балалардың тыныс-тіршілігі және өмірде ұшырататын қиындықтары жайында шынайы көрсете білген.
Бұл фильм бір мекеменің шығармашылық және инновациялық оқыту көмегімен неврологиялық ауруды қалайша емдеп жатқандығын баяндайды. Сонымен қатар, Америка Құрама Штаттары әлемдегі басқа мемлекеттермен салыстырғанда аутизм проблемасына ерекше зейін койып келе жатқандығын көрсетеді.
v«Біз әлі осы жерді мекен етеміз». Массачусетс штатындағы вампаноаг халқы Америкаға табан тіреген алғашқы ақ адамдарға тіршілігін жалғастыруға үлкен көмегін тигізеді, алайда сол жолда олар өз тілі, діні, мәдениетінен ада қалады.
Бұл фильмде вампаноаг халқының өз туған тілі үнді тілін қайтарып алу тарихы баяндалады. Тіпті америкалықтардың бұл аборигендердің өз мәдениетін қалпына келтіру үстінде қандай қиын жолдардан өткендігі туралы тарихты білмейді. Оның қиын жолы дегеніміз бұл тілді лингвист әйел Джесси Литтл Доу қайта жаңғытпағанға дейін бірде бір тірі адам бұл тілде үн қатпаған екен.
Бұл фильм америкалықтардың өз мұрасын сақтауда орасан зор еңбектеніп жатқандығын көрсетеді7
v «Нигер’66». 1966 жылдың жазында 65 адамнан тұратын американдық бейбітшілік корпусының еріктілері Африка құрлығына бас тірейді. Олардың келген жерлері аптап ыстық, шөлейтті Нигер даласы. Олар бұл жерде екі жыл өмір сүреді. Сол аралықта ауылшаруашылықпен айналысып, құдықтар қазып сусыз жерлерге су жеткізеді, қыз-келіншектер мен балалар үшін денсаулық сақтау клиникаларын салады. Содан араға қырық жыл салып сол еріктілердің бесеуі Нигерияға кезінде өздері еңбек еткен даласының бүгінгі жағдайын көруге келеді. Олардың көргендері өздерін таңқалдырады…
Сол кезде не бары 65 волонтердің Африканын болашығына үлкен әсер еткендігі баян етіледі.
v «Сендіруге талпыныс». Бұл фильм АҚШ, Жапония және Оңтүстік Африкадан келген әлемнің ең үздік алты жас сиқыршылары Лас Вегаста өткен «Әлем чемпионы» атағы үшін бәсекеге түседі.Сиқыр әлемі адамзатты қай замандада қызықтырған ғой. Оны бүкіл әлемге ортақ мәдениет деседе болады. Өйткені сиқырдың кәрі болсын жас болсын бәрін өзіне баурап алатын үлкен қасиеті бор. Сол сайыстағы болған оқиғалар режиссер Дж.Клэй Туилдің «Сендіруге талпыныс» туындысында көрініс табады.
v «Америкадағы ең қауіпті адам». 1971 жыл. Дэниел Элссберг АҚШтың Ветнаммен соғысындағы бас стратег маман. Ол өз жұмысын орындау барысында екі ел арасындағы он жылдық соғысытың өтірікке құрылғандығына көзі жетіп, қолында бар 7000 парақтан тұратын «аса құпия» деген таңбасы бар құжаттарды The New York Times гезетіне беріп жібереді. Оның еліне деген адалдығын танытатын бұл ісі Уотергейстік жан-жалға ұшырап, сол кездегі Президент Никсонның тақтан түсіп, АҚШ-тың Ветнаммен соғысы аяқталуымен аяқталады.
Бұл фильмде осы оқиғаны Элссберг пен сол кездегі уақиғалардың куәсі болған саясаткерлер мен журналистер өз ауыздарынан баяндайды.
Бір адамның іс-әрекеті үлкен елдің саясатына қаншалықты өзгеріс әкелгендігі көрсетіледі.
Бұл фестивальде көрсетілетін деректі фильмдердің алтауда қоғамдағы маңызды мәселелерді көтеретін болғандықтан олардың әр қайсысының орны әр бөлек. Менің ойымша шынайы өмірде болған, тарихи деркетерге құрылған бұл туындылардың барлығыда сіздің де көңіліңізден шығатындығына нық сенімдімін 
Күн жексенбіде бұлардың барлығы не үшін жиналып жатыр? деген сұрағыңыз туындаған шығар. Бұл жолы біз Іле-Алатау ұлттық табиғи бағына қыдырып баруға демалысты повод қылып, шулы қаладан қала сыртына қашып кеттік десекте болады 
![Siena IV (The Tuscany Series) [Explore]](http://static.flickr.com/7083/7320391910_8e527775a2_t.jpg "Siena IV (The Tuscany Series) [Explore]")
